Saturday, November 26, 2011

Nimayiştî 'Daykî Nîştiman ' le Nexede u şino (3) u (4)

jimarey taybetî : 2110
defterî serokwezîr
berwarî nûsîn : 15/5/1324 =06/08/1945
berwarî paknûsî : 16/5/1324 = 07/08/1945
berwarî sebt kirdin : 21/5/1324 = 12/08/1945

kopî raportî jimare 14 - 3/5/24 = 25/07/45

Defterî post u têlgirafî Nexede sebaret be hatinî çend kes le xellkî Mehabad wekû artîst u çûnyan berew şino agadar buwe u ewe le layen wezaretî Post u Têlgirafewe bo wezaretî Nêwxo nêrdirawe.legell Estandarî Estanî çuwar be wuşiyariyewe lew bareyewe qise bikrê u debê çawyan be ser karekewe bê u pêşî hercore nimayiştêk bigrin.
imza
berwar

rêkxirawî bellge neteweyekanî êran

*****
jimare 471
berwar: 29/4/ 24 = 20/07/1945

cenabî Estandarî berzî Estanî çuwarem
Emro desteyek ke birîtî bûn ziyatir le bîst kes artîstî Mehabadî hatine şino biryar waye beyanî şanoy Daykî Nîştiman pêşkêş biken.
serperistî bexşdarî şino
êmza.

******
Xenî Bulûryan ke yekêk le kayekaranî şanoy 'Daykî Nîştiman' buwe le kitêbî bîreweriyekanî'Allekok'da sebaret be pêşkêş kirdinî ew şanoye le Nexede u şino awa denûsê:" paş kotayî nimayiş le Mehabad,le ser biryarî rêberayetî KOmelle aktirekan barubineyan têkewepêça u berew şarî 'Nexede'u paşanîş şarî 'şino' çûn.Katî çûn bo Nexede u şino Qazî Mihemed amojgarî kirdîn u gutî:


"şino şarêkî ayînî ye.çunke êwe be rastî nwênerî Komelley J.K.in debê baş xo binwênin.Debê akar u reftarî necîbanetan hebê u serincî xellik bo lay xebatî Komelle rakêşin.Beyanan u katî tirîş debê biçin le mizgewtekan le rîzî xellikda rawestin u nwêjî be cema'et biken.Ewe detuwanê xoşewîstî êwe le nêw xellik da pitir bikat u debê nimûne bin u akarî cuwan le xo pêşan biden."

Hewşey garajî Nexede bo pêşandanî numayişî Daykî Nîştiman diyarî kirabû.Lewê sehnekeman suwar kird.Her wekû pêştir gutim 'Marif Hetem' be şêweyek sehnekey durust kirdibû ke le hemû cêyek suwar dekra.Bo mawey çuwar rojan Daykî Nîştiman le Nexede pêşan dira.Xellkî Nexede u dewr u berî be germî pêşwaziyan lê kird u tenanet axawetî'Qerepepax'îş hatin Daykî Nîştmanyan dît u yarmetiyekî zorman ko kirdewe u paşan be serberzî berew şino çùyn.
Bo manewe le şino,holî qutabxaneyan diyarî kirdibû.ême bergî sipî duxt serbazîman deber dabû u,killawî serbazîşman le ser bû.Katêk deste deste bew cilubergewe çùyne nêw bazarî şarî şino,hacî u sofî morreyan lê dekirdîn....
Rojî pêşandanî numayiş cemawerêkî zor ke çaweruwanî hatin bo nimayişiyan lê nedekira,hatin numayişî Daykî Nîştmanyan dît.Le'şino'ş be wêney Mehabad pêşwaziyan le numayişî Daykî nîştiman kird.Paş geraneweman bo Mehabad gwêbîs bùyn korêk le şinowe hatibûne lay serkirdayetî J.K. u bibûn be endamî J.K. u çûn liqî J.K.yan le şino damezrand.Ew hengawey ewan Qazî Mihemedî han da ke le endamanî korî numayişî'Daykî Nîştiman'sipas bikat."

Wekle nûsînî berêz Bulûryan derdekewê dezgay lawazî hukûmetî nêwendî sereray ew fermananey lem bellgane da derdekewin nîtuwanîwe pêş be nuwandinî 'Daykî Nîştiman' le Nexede u şino bigrê.

Têbînî:ew dû‌bellgeyeş be sipasewe le kitêbî Sawucbilaxé Mokrî(Mehabad) gérdawerî u talîf:Fereydùn Hekîmzade wergîrawe.

çend bellge sebaret be nimayştî 'Daykî Nîştiman ' le Nexede u şino (2)


Wezaretî Post u Têlgiraf u Telefun
îdarey defterî wezaret
be berwarî 4/5/1324 = 26/07/1945

Jimare:187/m
peywest
cenabî axay serokwezîr
babet:hatinî çil kes le xellkî Mehabad bo Nexede wekû artîst

Be hurmetewe kopî raportî defterî Nexede ke be rêgay îdarey post u têlêgirafî Rezayiyewe nardirawe bo agadatî xatirî mibareketan le peywest da pêşkêş kira

le ciyat wezîrî post u têlgiraf u telefun‌

wezaretî nêwxo lew babete agadar kira

Rêkxirawî bellge neteweyekanî êran

Têbînî:ew bellgeye be sipasewe le kitêbî Sawucbilax Mukrî(Mehabad) girdawerî we talîf:Fereydun Hekîmzade wergîrawe

çend bellge sebaret be nimayştî 'Daykî Nîştiman ' le Nexede u şino (1)


rûnûsî raportî defterî Nexedey wezaretî Post u Têlgiraf u Telefun
jimare 14
berwar: 3/5/24 = 25/07/1945
wezaret - be hurmetewe 'eynî raportî ke le defterî Nexedewe geyştuwe bo agadarî xatirî mibarek le xuwarewe be 'erz degeyêndprê.

14cewahêrî

Pêrê se'at 13 nîzîkey 40 kes le xellkî Mehabad le kamîyonêk da wekû artîstî Mehabadî komelle hatine Nexede,êwarê berew şino çûn u goya çend rojêk lewê debin u hemû rojê hêndê nimayişt deden u dawa le xellik deken le gell Komelle kewin u le gerranewe da le Nexedeş hêndêk nimayişt deden u wek bîstirawe goya ew nimayiştane be dijî dewllet u memûranî leşkirî ye.Her katêk le Nexede nimayişt bidrê raportekey be 'erz degeyêndirê

Muşîrî

rûnûs wek mak waye
Rêkxirawî Bellge Netewiyekanî êran

Têbînî:ew bellgeye be sipasewe le kitêbî Sawucbulaxé Mukrî(Mahabad)girdawerî we talîf:Ferîdun Hekîmzade wergîrawe

Sunday, November 13, 2011

'Elî Xusrewî yekêk le kadre hellsùrawekanî komarî Kurdistan


'Elî Xusrewî yekêk le kadre hellsùrawekanî komarî Kurdistan buwe u le endamanî gencî Komeley J.K., u duwatir le Hîzbî Dêmokiratî Kurdistan u komar da berpirsiyaretî cor be corî hebuwe.wek sedrî Yeketî Cewananî Dêmokiratî Kurdistan,mudîrî daxlî çapxaney Kurdistan,pişknî ferhengî Kurdistan u berpirsî Radîoy Mehabad.Em wêneye debê î serdemî çalakî Xusrewî le Komeley J.K. dabê.

Kurdistan,jimarey 9, şemo 13-î Rêbendanî 1324(2-î Fêvriyey 1946)

Kurd u Azerbaycan

Ta çend sal lewe pêş ke wêsta şeypûrî azadî lê nedra bû hêzî ehrîmenî faşîstî de duniya da muselet bûn,Kurd u Azerbaycanî le gell yek zor nakok bûn,destî îstî'mar bo îstîfadey xoy şew u roj xerîkî îxtîlaf le nêw ew dû netewe necîbe da bû ta be boney ewe bituwanê le menaf'î madî ew netewane behrewer bin u le menaf'î wan koşk u ballexaney çend nuhûmiyan saz dekird u le têk berdanî ewan bo xoyan le koşkekanî Taranê dadenîştin u qa qa be rîşî mîletî mezlûm ke hellfirîwa bûn pê dekenîn.
Welî be yarmetî xuday bê hawall rojî reşman rûnak bû zincîrî esaret le dinya da pisa u axerîn nefer le dest perwerdekanî Hîtlêr yek le duway yek be cehenem muşeref bûn.
çawman hellêna dîman ke dest u pêwendî Goblêzî le'netî ta wêsta le dûberekî ême îstîfadeyan kirduwe u bo menzûr u meramî xoyan Kurd u Azerbaycaniyan pêk wer kirduwe.
Bellê wexeber hatîn dîman ke netewey Azerbaycanî bo şuca'et u sexawet u însaniyet le dinya da meşhûrin u le rêy azadî u dêmokirasî da kûjrawyan zor dawe u ewanîş her wekû ême beşxuraw bùn.
Bellê bîlexere be hîmmetî birayanî berzî Kurdî,Azerbaycanî îtîhadî mehkem le beyniman bestira u destî îtîhadman da dest yek u swêndman xuward ta neferêk le faşîstekan bimênê danenîşîn u debê le beynî berîn.Dujmnanî me debê bizanin eger qedemêk le nîştmanî ême bêne pêş be zorî baskî kuranî azdîxuwahî Kurdî u Azerbaycanî mehu debinewe.Umêdewarim ke ew îtîhad u birayetîye le beynî ew dû netewe beşxurawe roj be roj be kwêrayî çawî dujmnanî dêmokirasî mehkemtir u berdewamtir bê.
Berqerar u payedar bê birayetî Kurd u Azerbaycanî.

'Elî Xusrewî


Tênînî: em uwêne ye,be sipasewe kak Samrendî Hîsamî newey 'Elî Xusrewî bo 'Wêney Komarî Kurdistan'î narduwe

Saturday, November 12, 2011

Wêneyekî binemalley Zêrîngeran le serdemî komar da


Wêneyekî binemalley Zêrîngeran le serdemî komar da

Le lay çepewe:Re'na xanim daykî Husênî Zêrîngeran,sîweyl kiçî gewrey, serpolî 2 Husênî Zêrîngeran,Biraymî Furuher taqe kurrî Husênî Zêrîngeran,xanimî Feyziyabî hawserî Husênî zêrîngeran,Zehawî Furuher kiçî duwemî Husênî Zêrîngeran.mindallekey piştewe nenasrawe.
Husênî Zêrîngeran(Furuher)endamî jimare 1-î Komelley J.K. u ta Oktobirî 1944 serokî Komelle bû.Le serdemî komar da endamî komîtey şarî Hîzbî Dêmokiratî Kurdistan u efserî Hêzî Dêmokiratî Kurdistan bû.Be pêy qisey William Eagleton,endamanî komîtey nêwendî Hîzbî Dêmokiratî Kurdistan le serdemî komar le katî deber kirdinî unîformî nîzamî da derecey serpolî 2 yan hebuwe.
Rehmetî Hemedemînî Sîracî ke le serdemî komar da le gel Biraymî Furuher hawpol buwe, deygêrawe rojêk le gell rehmetî Biraymî Furuher dime qalleyan lê peyda debê u be duway ewe da‌ Husênî Zêrîngeran dête xwêndinge u be Hemedemîn delê carêkî dîke dillî Biraym biêşênê tenbêy deka.Renge her le ber ew xoşewîstiye bûbê ke lem wêneye da nemir Biraymî Furuherîş le cilubergî nîzamî da debînîn.

Têbînî:Em wêne ye le albomî nemir Biraymî Furuher wergîrawe u le torî komellayetî Facebook da bilaw kirawetewe.