çalakî Komar Geyiştuwete Kirmaşanîş
Hesenê Qazî
Heta êsta lew nûsîn u şîkirdinewaney wa sebaret be Komar billaw bûnetewe,zor kem basî kar u têkoşanî Hîzbî Dêmokiratî Kurdistan le derewey mellbendî Mukiryan be taybetî le nawçe başûriyekanî Rojhellatî Kurdistan kirawe.
Le sallî 2008 berêz Babeşêx Nasirî çend bellgeyekî billaw kirduwetewe ke bûnî çalakî Hîzib le Kirmaşan deselmênê.Berêzyan serçawey ew bellgane awa bas deka:
"Merhumî mamosta Seyd Husên Mes'udî pêşnwêj u muftî şaf'î mezhebekanî Kirmaşan,ke rehmetî endamî Komelley J.K. u paşan şerefî endametî Hîzbî Dêmokratî pê dirabû, diyare merhum mamosta Seyd Husên le dayk bùy Xanegay Hewraman u binar kêwî Atşga u bo xwêndin u le rêgay feqêyetîyewe le nawçey Mokiryan nîştecê debêt u her lewêş legell xanimê le seydanî Nobarî Bokan be naw Seydzade Amîne îzdîwac deka,legell merhum mamosta Heqîqî hawfeqê u pêkeweyş debine endamî Komelley J.K. u binaxe danerî hîzbayetî u Komîtey Kirmaşan le rastî da ew bûge, Yektir lewan merhum Seyd Mihemmed Mes'udî biray mamosta Seyd Husên ke le layen komîtey Kirmaşanewe wek rabitî komîtey Kirmaşan herwek le wullamî namekey komîtey Kirmaşan le layen komîtey Nawendîyewe amajey pê kirawe diyarî kirawe u wergîrawe be nawî nehênî( feqê ) u le rastî da ew bellgane le lay nawbiraw ra geyşte destî min, diyare komellê bellge u nusrawe hî ew serdeme u ta kodetay 32 le cîgayek le Kirmaşan şardiranetewe ke hîwadarm derfet bêt u destman pêy bigat ,ke gencîneyekî be nirxe le çalakî endamanî Hîzib lew serdemeda,kesanî tir ke şerefî endametî hîzbyan le konewe le şarî Kirmaşan hebû,axay Mihemmed Se'îd Hafîdî Qizillcî xellkî Bokan u danîştùy Kirmaşan u Mîrza 'Ebdulkerîm Rostemî bezaz xellkî Cuwanro u danîştùy Kirmaşan ,westa 'Ebdalxaleq Salihzade xellkî Bayingan u danîştùy Kirmaşan ."
Bellgekan:
Bellgey yekem le berwarî 9/8/1325 da nûsrawe be îmzay fermandey Hêzî Serdeşt e u egerçî nawî fermandeke be îmzakeyewe der nakewê,bellam le ber ewey piley efserîyekey nûsrawe (Podpolkovnîk / Serpolî 2 ) der dekewê ke ew fermandeye Bekir Hewzî buwe, bellgeke basî çûnî pêşmergeyeke bo Sabllax u nasandinî.
Arm u nîşanî Komarî Kurdistan
Wezaretî Hêzî Cumhûriyetî Kurdistan
Hêzî Nawendî
jimare
berwarî
Bo postî dêmokrat
Seyd Mihemed Se'îd 'Ebdulrehman le lay ême merexes kirawe be îşî dêmokrat deçête Mehabad. Hîç kesêk muzahîmî nebê u eger le rêga tesadufî be her maşênêk bê hellî bigrê bo Mehabad
îmza
Podpolkovnîk [ Bekir Hewêzî]
fermandey menteqey serdeştê
9/8/ 1325
Bellgey duwem ke le berwarî 10/8/1325 da nûsrawe u fermanî yek le helsûrrawanî paye berzî Komar u Hîzbî Dêmokiratî Kurdistan,yekêk le m'awînekanî serokî hîzib Menafî Kerîmî ye u deyselmênê hîzib têkoşawe bo berfirawnkirdinî cexzî cugrafiyayî çalakîyekanî u le Kirmaşan komîtey Mihelî hebuwe.Zor wêdeçê ew çalakîyane dirêjey ew têkoşanane bûbê ke le ser u bendî Komelley J.K. da berêweçûn.
jimare: 8583
berwar: 10/8/ 25 [13]
peywend
Nîşanî Komarî Kurdistan
Hîzbî Dêmokiratî Kurdistan
Mehabad
Komîtey Merkezî
Axay Feqê
Bîna be teswîbî celesey întîxabatî yekî Rezberî Kirmaşan ke be hoy namey jimare 11- 8/7/ 1325 komîtey Kirmaşan hatbû, be hoy ew nameye pêt radegeyndirê ke le ser qerarî Komîtey Merkezî Hîzbî Dêmokratî Kurdistan cenabt be --- rabîtî komîtey mehelî Kirmaşan dandiray.Lazme zor be cîdiyet meşxûllî encamî wezayîfî pê espêrdirawî xot bî.
M'awînî Komîtey Merkezî Hîzbî Dêmokiratî Kurdistan [ Menafî] Kerîmî
Morî komîtey merkezî Hîzbî Dêmokiratî Kurdistan
Bellgey sêhem,le berwarî 16/8/ 1325 da nûsrawe u têyda hellgirî name wek endamêkî hîzib nasaêndirawe u le rastî da wek pusuleyekî hatuçû waye, ew bellgeye le layen 'Elî Xusrewî yewe îmza kirawe.
jimare
berwar 16/8/ 1325
peywend
Nîşanî Komarî Kurdistan
Hîzbî Dêmokiratî Kurdistan
Mehabad
Komîtey Merkezî
Bo tewawî postekan u komîtekanî Hîzbî Dêmokratî Kurdistan
Hellgirî ew nameye [le] e'zay Hîzbî Dêmokiratî Kurdistane. Le sertane hemû core komegêkî pê biken.-
Le teref m'awnî Komîtey Merkezî Hîzbî Dêmokiratî Kurdistan - ['Elî] Xusrewî
morî komîtey merkezî Hîzbî Dêmokiratî Kurdistanî êran
Têbînî:emin ew bellganem le torrî komellayetî Facebook da le dîwarî mallî kak Qadirî Xendereş çaw pêkewt u duwaye zanîm berêzîşyan le nûsînêkî wergirtuwe ke legell bellgekan kak Babeşêxî Nasirî le sallî 2008 le mallperî Pêşmergekan da billawî kirduwetewe.Ew karey berêz Nasirî cêy pêzanîn u destxoşaneye.
Le serdemî Komar da hêndêk le formî kaxezî komar u hîzib le ser kaxezî îdaratî péşùy hukûmetî merkezî çap kirawnetewe.Diyare ewe le ber kem bûnî kaxez buwe, her wek lêre le bellgey duwem da debînîn ke wuşey "wêzaretê Darayî" le piştewey kaxezeke be cuwanî diyare.
