Friday, March 30, 2012

Guzarişî cenabî Mihemed Husên Xanî Seyfî Qazî wezîrî ceng u nwênerî Kurdistan


Kurdistan
bilawkerewey bîrî Hîzbî Dêmokratî Kurdistan
jimarey 50, 2 şemo 6-î Cozerdanî 1325 / 27-î May 1946

Guzarişî cenabî Mihemed Husên Xanî Seyfî Qazî wezîrî ceng u nwênerî Kurdistan

Cenabî axay Mihemed Husên Xanî Seyfî Qazî wezîrî ceng u numayendey Kurdistan wekû le satî geranewey xoy le Taranê belênî dabû le mîtîngî rojî 31 – 2 – 1325 da guzarişî jêrewey be îtîla'î 'umûm geyand:

Emin ke be emrî pêşeway mu'ezem u be dillgermî u piştîwanî birayanî xoşewîst memûr be îftîxarî bo hukûmetî Taranê bûm be pêwîst dezanim ke şerhî memûriyetî xom îcmalen be 'erz bigeyênim.
Rojî Yekşemo 8-î Banemer se'atî 9 u 20 deqîqe le îstîgay Tewrêzewe degell nimayendeganî Azerbaycan ke 'îbaret bûn le axay Pîşewerî serokî hukûmetî mîllî Azerbaycan u reysî heyetî nimayendegî u axay Sadqî Padigan u axay Dr. Cehanşahlû u axay Ibrahîmî u axay Dîlmeqanî u 14 nefer fîdayî be riyasetî yek nefer kapîtan hereketman kird u le satî 11 u 20 deqîqe warîdî îstgay Mêhrabad buwîn.
Le layen azadîxwahan u ehalî Azerbaycanî sakînî Taran , ba înkê ke se'atêk pêş warîd bûnî me be wesîley memûrînî destgay dîktatorî 'îbaret bû le efradî jandarmerî bê şermane memane'etêkî muselehane bo pêşwazî nekirdin le ême be 'emel hatbû u dû nefer lew azadî xuwahane kujrabûn u çend neferîşyan birîndar kirdibûn, dîsan cem'iyetêkî yekcar zor ke xoyan le çengî musthefîzînî jandarm xelas kird bû be deske gullewe xoyan geyandibuwe meydanî teyarey, şûr u şe'ef u êhsasatêkî wayan be xerc da ke ruhî meyan welerze xist u be dengêkî bilînd çepleyan lêdeda u hawaryan dekird: engo emew necat da!, engo xelkî êranû le esaret xelas kird, emma wuşyar bin îştîbahê neken azadî ême be herekatî rast u bê xetay êwe peywende u, hurayan dekêşa u lêkra deyan kut: bijî xelkî Azerbaycan, bijî meş'eldarî azadî ême azdîxwahanî Kurdistan.
De waqî'da, ew êhsasatey wan bibuwe ba'îsî serbilîndî ehalî Kurdistan u Azerbaycan u eweyan be tewawî me'lûm dekird u deyangeyand ke me'lûme Kurdistan u Azerbaycan xoyan xelas kirduwe, belkû liyaqetî eweyan heye ke azadî tewawî xelkî êranê wedest bênin u sabîtî biken. Axay Muzeferî Fîrûz mu'awînî siyasî nuxstwezîrî êran u sertîp Sefarî reysî teşkîlatî kulî şarewanî le teref dewletêwe bo îstîqbal hazir bûn u be şarezayî wan bo qesrî Cewadiye ke le duwazde kîlomêtrî Taranê ye u le pêşda bo pezîrayî hazir kirabû hereketman kird. Wesayîlî pezîrayî,le teref wezaretî umûrî xarîce be 'emel dehat.le rojî dûşemoyewe muzakere dest pêkira. Numayendanî dewletî Taranê 'îbaret bûn le : axayanî Musteşaruldewle, Mihemed Welî Mîrza Fermanfermayiyan, Lenkeranî,Ipekçiyan u axay Muwerîxudewley Sêpêhr wezîrî pîşe u huner u Muzeferî Fîrûz mu'awînî siyasî u parlimanî nuxstwezîr.
Paş guftugoyekî zor le etrafî nêhzetî dêmokrasî Kurdistan u Azerbaycan dawxuwaz u teqazay 5 mîlyon Kurd u Azerbaycanî ke be xwênî hezaran law u pîr u cewanî mîlletî qaremanî Kurd u Azerbaycan ke salehay sal lew rêyey da le mile u mubareze da bûn u be destyan hênawe u de muqabîlî îblaxiyey pûç u bê me'nay hewtganey dewletî Taran, le ber ewey ke dunya bizanê ke mîlletî qaremanî Kurd u Azerbaycan hazir be xwên riştin u birakujî nîn u bo le demdanî îrtîca' u xwên mije zalim u gewrekanî dinyaye ke dew rêyey da hezaran îftîra u buxtanyan bo saz kirdibûyn, be 33 madan be dewletî Taran pêşnihad kira ke ewe bo agadarî êwe 'eriz dekrên.
Paş guftugo u kêşe kêşêkî zor u çend roj muzakere be îstînadî diro u qisey pûçî qanûnî esasî u bew new'ey ke emin le nîzîkewe dîwme u lêm me'lûm bûwe qanûnî esasî be te'bîrî dewletî Taran 'îbarete le pamal kirdinî huqûqî mîllet u dest u pê bestinî wan u berella kirdin u tê berdanî 'îdeyêkî me'dûd be 'înwanî cwê cwî memûrînî leşkirî u kîşwerî u jandarm ke le pamal kirdinî heq u 'edalet,ke mezayqî qanûnî esasî heqîqî, be tewawî netewanî êranî qayil bûwe, dandirawe dirêxiyan nekirdûwe. Her wekû boxotan dîwtane le te'eruz be giyan u mal u heysiyet u namûsî netewanî êranî we xsûsen mîlletî kurdî de kemalî bê şermî u bê heyayî da le mudetî 20 saley dîktatorî Reza Xan da muzayeqeyan nekirdûwe u ewan êranî feqet be Taran dezanin. We be xeyrî îstîfadey şexsî u xoşguzeranî u ragirtinî meqam u ca u celalî xoyan hîç fikirî dîkeyan niye.Taranîş çi Taran merkez u binaxey fesad u laubalî u bê 'elaqeyî u bê xeberî u de heqîqet da merkezêkî zor zor kesîf be qesr u qusûrî zor 'alî u mucelel ke be xwên u zehmet u renc u areqey nêw çawanî hezaran hezar bedbext u bêçarey netewanî zehmetkêşî êranî binaxey dandirawe u razandrawetewe, be hîç new'êkî şu'ley rûnakayî u umêdî rizgarî dew 'esrî temedun u etom da bo mîllet u netewanî êranî weberçaw naye.
u heta wekû ew sefere u dîtinî ew dezgayey,me'nay kelîmey hukûmetî pûşalîm nedezanî, belam lew musaferetey Taranê da ke be çawî xom destgay helsûrî xwênmj u pûçelî hukûmetî Taranim dî lêm halî bû ke hukûmetî pûşalî eweye ke elan le Taran berqerare. Emma ewendey heye ewroke ewey cenbey meydanî siyasetî beynelmîlelî peyda kirduwe destgay îrtîca'î dunyaye be wesîley kaselêsanî xoyan bo menfe'et birdin u qazancî xoyan dayma xerîkî desîse u antirîk u hew u cencalin.
Eme dûbare le ber ewey ke dunya bizanê xeyrî heqî hîsabî xoman u xwêndin u nûsîn be zimanî daykî u pere pêdanî ferheng u leşsaxî u hatneder le xar u eşkewtî bedbextî u, xo geyandin be 'esrî temedun hîç menzûr u desaysêkî xarcî niye u bo guzeştêkî zor lew heqey ke wedestman hênawe hazir bûyn. Her çend be sûretî zahîr şexsî axay Qewamulseltene musa'îd u ta dereceyêkî hazir bû ke de muzakeratî duwayîda ke dest pê kiraba muwafeqetî [dekird]. [le ser] pêşnhadî xoyan de tehtî 14 made da ta endazeyêk muwafeqet hasil bû. Belam çend nefer le wezîran ke wa me'lûm bû neşeyan gullî kird bû ya be îstînad be fermayşî axay Pîşewerî le eserî qanûnî men'î teryak le Azerbaycanê da 'esebanî bibûn neyanhêşt ke dewletî axay Qewam lew mewqî'e îstîfade bika u ew mesele be xoşî tewaw bê. Le ber ewe naçar bûyn be bê exzî netîce rojî Dûşemo 23-î Banemer heyetî nimayendegî Kurdistan u Azerbaycan se'atî 7 u pênc deqîqe le Taran geraynewe.
U le paş geranewey me dewletî Qewamulseltene ê'lamiyeyekî le tarîxî 23 / 2 / 1325 întîşar da ewa 'eriz dekirê. Her wekû le Tewrêzê le teref heyetî nimayendegiyewe be wesîley axay Pîşewerî reysî heyet cuwabî dirawetewe u emin namewê dew mewzû'ey çîdî bidwêm.
Birayanî xoşewîst! husnî tedibîr u îradey Pêşeway berz, yeketî u birayetî Kurdistan u Azerbaycan u xîret u şehamet u canbazî pêşmerganî Kurdistan u fîdayiyanî Azerbaycan destgay zulm u îrtîca'î mutezelzîl kird u lêyan me'lûm bûwe ke ew nêhzete ke be piştîwanî tewawî tebeqatî mîlletî qareman u reşîdî Kurd u Azerbaycan be wucud hatûwe şoxî pê nakrê u be fişe u galte najmêrdirê u ew dû millet bira u reşîde de meydanî mubareze da xoyan pê nasandûn. Ew heqey ke estandûyane ray degirin u liyaqetî îdare kirdinî xoyan be dunyay ewro sabît kird. êstaş merd u merdane têbikoşin u îtmînanû bibê heq be meye u xuday bê hawta yarî dehendey meye
Bijî Kurd u Kurdistanî gewre
Bijî Pêşeway mu'ezem u mehbûbî me
Bijî Fîrqey Dêmokiratî Kurdistan
Berqerar bê yeketî u birayetî Kurdistan u Azerbaycan
Bijî u rawestaw bin lawan u cewananî reşîdî Kurdistan

Monday, March 12, 2012

Mayor(serlk) Nûrî Ehmed Teha le Efseranî Komarî Kurdistan


Mayor(serlk)Nûrî Ehmed Teha le Efseranî Komarî Kurdistan

Rojnamey Kurdistan Jimarey 51,çuwarşemo 8-î Cozerdanî 1325[-î Hetawî] / 29-î mey 1946)

I'tay Derece

Le netîcey lexorabirduyî u xo fîdakirdin bo hîfzî azadî nîştiman le merheley ewel da u le paşanîş le ser teqazay jeneral Mistefa Barzanî beramber be emrî Pêşeway Mu'ezem ew bira xoşewîst u berzaney Barzanî bew derecaney xuwarewe: axay 'êzet 'Ebdul'Ezîz,Mîrhac Ehmed,Mistefa Xoşnaw,Bekir 'Ebdulkerîm be derecey podpolkovnîk ye'nî(nayîb serheng),Nûrî Ehmed Teha,Xeyrula 'Ebidulkerîm u Celal Emîn Mehmûd be derecey mayorî ye'nî(sergurd),'Ebidulrehman Teyîb Muftî u Mihemed Mehmûd be derecey kapîtanî yanî(serwanî)le layen wezîrî berzî Hêzî Kurdistan be hoy ehkamat muftexer kiran u pêyan îblax kira.

Têbînî : em wêney be sipasewe le dîwarî mallî kak Zimnako Nûrî Ehmed Teha le wullatî Facebook wergîrawe u le binî nùsîwe ; “ Bawkim le Mehabad”.