şêx Mihemed Sedîq [ Pûşo] kurî Seyd Tehay Nehrî u Arçîbald Roosevelt le Bexda
Le rastewe bo çep: Archie Roosevelt, Seyd Mihemed Sedîq [ şêx Pûşo] u Armin Meyer yek le karbedestanî sefaretî Emrîka le bexda. em wêneye le mangî Juyîyey salî 1944 helgîrawe.Seyd Mihemed Sedîq kurî Seyd Tehay Nehrî yek lew kurdane bû ke le sermawezî 1320-î hetawî [ dîsambirî 1941] da banghêştin kiran bo serdanî Azerbaycanî şûrewî. Têbînî : em wêne be sipasewe le kitêbî " For Lust of Knowing, Memoirs of an Intelligence Officer , Weidenfeld and Nicolson, London 1988 “ wergirawe
Wêney [8] Em wêneye Arçîbald Roosevelt le katî serdanî le Mihabad,14-16 Sêptambirî 1946 helîgirtuwe
Em weneye le ber dem Kangay Hîzbî Dêmokratî Kurdistan helgîrawe
Têbînî: em wêneye be spasewe le çapî tazey kitêbî Susan Meiselas: Kurdistan In the Shadow of History wergîrawe.
Boçûnî Endamanî Komîtey Nêwendî Hîzbî Dêmokiratî Kurdistan Arçîbald Roosevelt le kitêbekey da “ For Lust of Knowing, Memoirs of an intelligence officer, Weidenfeld and Nicolson London, 1988”dû bendî terxan kirduwe bo basî Kurdan u yek lew bendane be taybetî le ser Komarî Kurdistane Ew denûsê: "Qazî gutî " Kurdekan dawxwazêkî ewper asayî naken,tenê ew mafe xoriskî u azadîyaneyan dewê ke bo beşeriyet be rewa dandirawe, Korî Netewe Yekgirtuwekan debê barudoxî Kurd le be rçaw bigirê,u eger êsta destbecê sazkirdinî Kurdistanêkî Yekgirtû u serbexo dest nada, be lanî kemewe ew dezgaye detuwanê ew dewletaney kemayetî Kurdyan têdaye naçar bika melbendî otonomîyan le çuwarçêwey sinûrekanî xoyan da bo damezrênin."Emin le raportekem da kurtey boçûnî endamanî komîtey nêwendî Hêzbî Dêmokiratî Kurdistanim bas kirdibû ke le katî manewey kurtî ême le Mehabad da hênayane gorê: Ewan minetbarî Yekêtî şûrewî bûn ke deretanî serbexoyî ewanî pêk hênawe, belam eweşyan dadegirtewe ke şûreiyekan dest le karubarî hukûmetekeyan wernaden u karbedestanî şûrewî le şarekeda nîn.( emin wam weber çaw hat zorbey endamanî komîtey nêwendî Hîzbî Dêmokiratî Kurdistan meylî berew komonîzmyan têda nebê, u wa diyar bû arîstokirasî kon hêşta cilewî karekanî be destewe bê.) ewan xoyan le barudoxêkî şorşgêraneda dedî - belam şorşêkî nasyonalîstî. Gutyan awatyan eweye dewletekeyan perepê biden bo ewey hemû nawçe Kurdinşînekanî êran weber bigirê. Ewan amaden dest le nawçekanî Kurdistan berew başûr ke le jêr kontirolî êran dan helbigirn lewane nawçe 'eşîretiyekanî Lur u Bextîyarî ke xoyan be Kurd nazanin. Berew lay Bakûr ewey ewan deyanewê beşêk le Azerbaycan degrêtewe ta degate Başûr u rojhelatî deryaçey Rezayiye le wêwe ta degate sinûrî şûrewî.endamanî komîtey nêwendî ewperî bêzarî u carzî xoyan le ast erteşî iêran derbirî, Wêdeçû ewan be tewawî le hebûnî jimareyekî zorî serbaz u hêzî êranî dilpeşêw bin ke berew Başûr mol dirawin.Belanî kemewe yek le endamanî komîte amajey pêkird ke hukûmetî nêwendî xerîkî teleke nanewe u kakew biraleye le naw hêndêk le 'eşîrete Kurdekanda [“ For Lust of Knowing, ll 279, 280 ]
Wêney [7] Pêşewa u jimareyek le karbedestanî Komarî Kurdistan le hewşey kangay Hîzbî Dêmokiratî Kurdistan le katî serdanî Arçîbald Roosevelt
Em wêneye debê rojî Dûşemo 16-î Sêptambrî 1946 katî dîdarî duwemî Pêşewa u Arçîbald Roosevelt helgîrabê.
le rastewe bo çep :1. nenasraw,2. Ehmedî Ilahî [mam Ehmedî Hacî Ellay] le rêberanî Hîzbî Dêmokiratî Kurdistan,3.Dillşadî Resûlî endamî komîtey nawendî Hîzb u duwatir mu'awnî kulî îdarey ferheng. 4.Menafî Kerîmî le rêberanî Hîzbî Dêmokiratî Kurdistan, 5.Pêşewa Qazî Mihemed,6. Sedîqî Heyderî le rêberanî Hîzbî Dêmokiratî Kurdistan,7, Xenî Xusrewî reyisî şaredarî Mehabad,8. Xelêlî Xusrewî reyisî îdarey karî Kurdistan u le rêberanî Hîzbî Dêmokiratî Kurdistan 9 .'Elî Xusrewî yek le kadre here helsûrawekanî Komarî Kurdistan,10.Mayor Ce'ferî Kerîmî mu'awnî wezîrî Hêzî Dêmokiratî Kurdistan,.
Têbînî : em wêneye be sipasewe le têzî :" Lêkolîneweyek sebaret be pêwendiyekanî Komarî Mehabad u Komarî Dêmokiratî Azerbaycan؛ hawkarî girj u şwênî le ser Komarî Mehabad -î 1946, Richard A. Mobley, Washington D.C.,Mey 1979 " wergîrawe. Nûser sipasî Archie Rooseveltî kirduwe bo ewey em wêne u çend wêney dîkey le ber dest nawe
Wêney [6] Archie Roosevelt u serkirdekey dîkey hawrêy le nêw bazarî Mihabad , Duway Nîweroy Yekşemo 15-î Sêptambrî 1946
Arçîbald Roosevelt le bîreweriyekanî da "Swey zanîn" delê duway nîweroy rojî Yekşemo 16-î Sêptambir çûn u be nêw şar da gerawin.Ew kesey le dûrewe be cilubergî reşewe piştî le dûrbîne Menafî Kerîmî le karbedestanî komare,ewey ke be cilubergî serkirdeyî Emrîkayiyewe diyare,debê hawkarekey Arçîbald Roosevelt bê ke be daxewe nêwîman pê nalê.
Duway bilawbûnewey em wêneye le"Wêney Komarî Kurdistan" da xwênereweyekî berêz agadarî kirdîn, ke ew şwêne 'Meydanî Menguran" e u ew keseş ke legel mîrza Menafî Kerîmî u serkirde " elkolîste" nêw nezandrawekey Emrîkayî rawestawe u be yekewe le qapî " şormeze" î derwanin, debê Mîrza Husênî Hebîbî hawserî Martha dahl [ Mîzdal Xanim] bê ke dekrê dewrî dîlmancî gêrabê.Arçîbald Roosevelt le kitêbekey da hîç basî kelk wergirtin le dîlmanc le katî serdanî Mihabad da naka. Wa derdekewê bo xoy hêndêk zimanî Farsî zanîbê. Zor sipas bo zanyarî ew ruwanere berêze, hîwa darm wêney zor bê u ew kesaney dîkeş ke serî em pêgeye deden, be pêy derfet zanyariyekanyanman le gel beş biken.Cêy we bîr hênaneweye " Martha Dahl" le dewrey 11 mangey hebûnî resmî " Komarî Kurdistan" da le ber ewey le nawçe be " Emrîkayî" da dendra bo ewey hîç girftêk bo karubarî Komar neyete pêşê, le Mihabad royîştbû.
Têbînî : Em wêneye le Torînêwneteweyi wergîrawe
Wêney[5]wêneyekî dîke her le defterî Pêşewa,Yekşemo 15-î Sêptambirî 1946
Têbînî : em wêneye be sipasewe le têzî " lêkolîneweyek sebaret be pêwendiyekanî komarî Mihabad u komarî dêmokiratî Azerbaycan,hawkarî girj u şwênî le ser Komarî Mihabadî 1946, Richard A.Mobley,USNR Waşingtin,D.C.Mey 1979" wergîrawe. Mobley sipasî Archie Roosevelt i kirduwe bo em wêneye u çend wêney dîkey ke rêgey dawe têzekey pê birazênêtewe. Ew têze le layen Hesenî Qaziyewe wergêrdirawete ser zimanî Kurdî u le layen weşanxaney Apec le Swêd u wekû zincîreş le hewtûnamey "Peyamî Kurdistan" da bilaw kirawetewe.
Wêney [4] Pêşewa le hewşey kangay Hîzbî Dêmokiratî Kurdistan le katî serdanî Archie Roosevelt Yekeşemo 15-î Sêptambirî 1946
Têbinî: em wêneye le Intirnêt wergîrawe, bellam be berawurd kirdin legel wênekanî dî cuwan derdekewê Archie Roosevelt be duway wênekanî dîke da girtùyetî.
