Husênî Zêrîngeran (Firuher) U Mindalanî Bê SerperistLem wêneye da Husênî Zêrîngeran (Firuher) le gell ew mindalane debînîn ke ko kirawnetewe u deber xwêndin nirawin. Her wek le biryarî Heyetî Ferhengî Kurdistan da dexwênînewe. Husênî Zêrîngeran ke endamî komîtey şarî Mehabadî HDK bû le gell Menafî Kerîmî pêyan espêrdra bû mindalanî bê serperist ko kenewe u mişûr le jiyan u xwêndinyan bixon.
Rojnamey Kurdistan, jimarey 1 , Pêncşemo 1324-10-20-î Hetawî / 11-î Janviyey 1946
Kobûnewey Heyetî Ferhengî Kurdistan Jimare 32
Rojî çuwarşemoye 1324-10-12 [ 2-î janiviyey 1946] celesey Heyetî Ferhengî Kurdistan satî dû pêş nîwero [paş nîwero!] gîra le babet mekteb u dananî dû nefer pişknêr bo mektebekan gufutgoy lazim kira. Axayanî 'Elî Xusrewî u Rehîmî Leşkirî bo pişkinêrî helbjêrdiran u hukmyan sadir kira.
We qerar dira ew mindalaney ke bê kesin u be suwall meşxûllim, ko bikrênewe le naw mîllet dabeş bikrên u rojane le mektebî Gelawêj bixwênin u bo xirkirdinewey em hejar u bê kesane be şarewanî [îdarey polîs] emir dira xiryan katewe u biyan date dest axayanî Husênî Firuher u Menafî Kerîmî u ewanîş be nêw mîllet da beşyan ken.
2-be ekseriyetî ara pesind kira axayanî Firuher u Kerîmî xelkî bêsewad hazir ken ke şewane le mektebda be zimanî Kurdî bixwênin.
3-pesind kira hemû nîşane (tablo) î îdaran u mekteb u tecaretxanan u 'îmaretan bigorin u be Kurdî binûsrê.
4-pesind kira ke ew mindalaney ko dekrênewe temenyan le şeş ta çarde sallan ziyatir nebê.
5-le axrî celese da pesind kira ke celesey dîke cûrî lîbasî [bergî] şagird mektebekan me'lûm kirê.
Têbînî: em wêneye le malperî kurdistan Photos- Org wergîrawe u ewanîş le arşîuî berêz 'Elî Qazî yan wergirtuwe. ême be yarmetî em nûsîney rojnamey " Kurdistan" u berawerd kirdinî çendîn wêney nemir Husênî Zêrîngeran tuwanîman wêney wî u ew boneye sax keynewe. wêneke debê duway cêbecêkirdinî raspardey Heyetî Ferhengî le Mangî Befranbarî 1324-î Hetawî u berayiyekanî January 1946-î Zayînî da helgîrabê.
No comments:
Post a Comment