Z'îm Mela Mistefay Barzanî Le Mihabad

Z'îm Mela Mistefay Barzanî Le Mihabad

Lem pileyey saxkirdinewey 'wênekanî komarî kurdistan ' da nakrê be lêbirrawane bilêyn em wêneyey Pêşewa u Mela Mistefa le çi tarîxêkda hellgîrawe. Be pêy rêportajî rojnamey Kurdistan ke le xuwarewe deyxwêninewe, Mela Mistefa le duway rageyandinî Komar lewê nemawe u bo carî duwem le rojî Pêncşemo 9 - 12 – 1324-î hetawî[30-î Fêwrîyey 1946-î zayînî] çuwetewe Mihabad u pêşwazî lêkirawe. Her be pêy em rêportaje ke le sê jimarey Kurdistan da billaw kirawetewe ,lew maweye da Qazî Mihemed dû car le gell Mela Mistefa ko bûwetewe. Kurdistan jimarey 21 [şemmu 11-î Reşemey 1324/ 2-î Marsî 1946,
jimarey 26 Dûşemmo 27-î Reşemey 1324/ 18-î Marsî 1946 u jimarey 27 Dûşemmo 5-î Xakelîweî 1325 / 25-î Marsî 1946 ] rêportaj sebaret be hatinî Mela Mistefay Barzanî bo Mihabad :
" Exbarî nêw xoman Mela Mistefay Barzanî
Jenabî axay Mela Mistefa qaidî Kurdî Barzan rojhî 9-12-1324(30- 02 – 1946) satî 5 paş nîwero warîdî Mihabad bu.Wextî geyişte nêw baxan endamekanî Komîtey Merkezî pîşwaziyan lê kird wextî jenabî mela Mistefay le çomî perrîyewe be îhtîramî endamekanî Komîtey Merkezî dabezî lem kate da Komîtey Merkezî hengawyan tundtir kird u le qerax çomî pêk geyiştin, biray xoşewîst Sedîq Heyderî merasîmî be xêr hatinî be cê hîna u hemu andamekanî Komîtey Merkezî be Mela Mistefay nasand u ewîş destî le nêw destî hemuwan na u le nihaytî xoşî da bo kangay Hîzbî Dêmokrat hatin u le sallonî encumenî ferhengî danîştin u le satî 6 hezretî Pêşeway Kurdistan be pe [ elqadim yuzar ] teşrîfî bo kanga hatû mulaqatî degel mela Mistefay fermu, lew wexte da Mihemed Efendî xîtab be hezretî Pêşewa xîtabeyek ke wêney ahsasatî qelbî mela Mistefay bu ke xusus xo de pênaw nanî kurdî Barzan u derbederî em qewme necîbe le rêy serbestî Kurdistan xwêndewe u cenabî pêşewaş wulamî danewe u ewanî bê andaze be hikumetî kurdistan u Hîzbî Dêmukrat umêdwar kird, paşan hezretî Pêşewa teşrîfî birde sallonî taybetî xoy înca Mela Mistefay be huzurî şerefiyab bu u mawey du sat pêkewe xerîkî giftugo bun. Mela Mistefa piyawîkî siyasî u z'îmî kurdî Barzane le rey serbestî kurdistanda zurî meynet kîşawe. Dujmnanî kurdistan ew u tewawî ayl u 'şîretî wîyan be gunahî azadîxwahî derbeder u le nîştmanî xoşewîstyan weder nawe.Zatî nêwbiraw bîcgelewey qaidîkî berze piyawêkî zana u têgeyiştu we mutumedîn u nîştmanperst e u temenî le hududî çilupênc sal daye.

[ Z'îm Mela Mistefay] barzanî
Le jimare 21 rojnamey kurdistan welamî teşrîf hênan u çilonetî warîd bunî z'îm Mela Mistefa man be 'erzî xwndewaranî xoşewîst geyand ewa le jêrewe hêndê le çilonetî manewey em piyawe le Mihabad bo agadarî xwêndewaran denusîn :

Rojî Cum'e 10-12-1324 [ 1 Marsî 1946 ] endamanî Hîzbî u aşraf u axayanî şarî Mihabad u ruesay 'eşîr yek be duway yekda çune xo pê nasînî mîwanî xoyan. Her ke katî nwêjî Cum'e hat z'îm mela Mistefa le gell andamêkî heyetî Merkezî Hîzb teşrîfî birde mizgewtî Cam'e u ferîzey xuday meznî le gell hemu musullmananî şarî Mihabad da le ser xo la bird u duwayî le naw qelebalxêkî zur da gerayewe Yaney Ferhengî, Merkezî hîzb.
Rojî şemmo 11 – 12 – 1324 [ 2-î marsî 1946 ]
Beyanî 11- 12 – 1324 Z'îm Mela Mistefa u efseranî u yekêk le endamanî Heyetî Merkezî axay Ehmed îlahî teşrîfyan çuwe hêzî kurdistan we her ke geyiştine ewê le layen qerewillî taybetiyewe resmî t'zîmî bo kira u serkirdanî hêz be serkirdey fermandey hêzî merkezî Mihemed Nanewazade pêşwazî kira u yeke yeke ser kirdekanî pê nasra nizîkey nîw se'atêk le gell serkirdekanda ray biward u le duwayîda yeke yeke çuwe lay serkirdekan le cêgay xoyanda we pîrozbayî xoy pêşkeş kirdin u daway lê kirdin ke hemû be giyanêkî pakî nîştmanperweranewe bibne siperî nîştman u pêşxizmetî Pêşeway mu'ezem. Kangay hêzî be cê hêşt u be bizukî [mebest otomobîle ] hezretî pêşewa ruy kirde debîrstan u lewê qutabiyekan hemu kobibunewe le duway ziyaretî mamostakan u reis heyetî ferheng axay Reşîd axay Hemze axa teşrîfî birde lay şagirdekan we lêre da efser 'Ebdulrehman Teyîb Muftî çend amojgarî u pîrozbayekî be nawî z'îm Mela Mistefawe pişkeş kirdin le duwayda z'îm Mela Mistefa ruy kirde îdarey şarewanî u memuranî ew îdareyeşî ziyart fermu her weha teşrîfî birde îdarey Dîjbanî u le duway ewe ruy kirde Medresey Gelawîj we be hoy axay Ehmed îlahîyewe mamostayanî nasîn u yeke yeke be polekanda gerra we le hemu polêk efser Mihemed Mehmud be nawî z'îm Mela Mistefawe îzharî xoş wextî u amojgarî bo şagirdekan dekird: le duwayîda teşrîfî birde Medresey Kurdistan dîsan le gell mamostayan xonasîyan kird u be naw polekanda gerra u le her polêk sirudêk dexwêndrayewe. înca z'îm Mela Mistefa gerrayewe merkezî hîzb.
şewî Yekşemmo 12 – 12 – 1324 [ 3-î Marsî 1946 ]
Z'îm Mela Mistefa teşrîfî birde çapxaney Kurdistan we le layen mudîrî çapxane axay Qadirî Muderesî be hoy axay Ehmed îlahîyewe xo nasînyan kird we le duwayîda le layen Mihemed Mehmudewe çend amojgariyek be kargeranî çapxane kira u sipasî mudîrî çapxaney be nawî z'îm Mela Mistefawe kird
Rojî Yekşemmo 12 – 12 – 1324 [ 3-î Marsî 1946 ] beyanî le gell efseran u axay Ehmed îlahî teşrîfî birde lay reîsî Heyetî rîyîsey Mîllî Kurdistan cenabî Seyîd Hacî Babaşex u le duway se'atêk giftugoy gîyanî be gîyanî be xoşîyewe z'îm ewêy be cê hêşt u gerrayewe merkezî hîzb.
Rojî Duşemmo 13 – 12 – 1324 [ 4-î Marsî 1946 ] beyanî dîsan z'îm Mela Mistefa u efseranî le gell axay Kirîm Ehmdeyn teşrîfî birde îdarey şardarî le layen axay Mîrza Xenî Xusrewî reîsî şardariyewe pêşwazî kira u nizîkey nîw se'atêk lewê raybiward we le gell memuranî em îdareye me'arfey fermu u le duwayîda teşrîfî birdewe merkezî Hîzb. Se'at 10 êware dîsan xoy u efseranî Mihemed Mehmud, 'Ebdulrehman Teyîb Muftî teşrîfyan birde xizmet Pêşeway mu'ezem le Yaney Ferhengî we dîsan nizîkey nîw se'atêk giftugoy taybetîyan bû u gerrayewe cêgay xoy."