Wêney Qasmî Qadirî Qazî ( Q.Q.Q . piyaw endamî jimare 1053) le damezrêneranî Jêkaf u serokî nwêneranî Komelley J.K. le peymanî sê sunûr. Ew wêneye be egerî zor le katî berbûnî Qadrî Qazî, Zebîhî u Resûlî le zîndanî 'eceman le Taranê u hatineweyan berew Kurdistan,le nexoşxaney şûrewî le şarî Tewrêz hellgîrawe. Rojnamey Kurdistan le jimarey 19, saliî yekem, Dûşemo 6-î Reşemey 1324-î Hetawî/25-î Fêvriyey 1946 le laperrey 4 da le jêr sernûsî (Exbarî nêw xoman)lew bareyewe denûsê: " ....2- Birayanî 'Ebdulrehman Zebîhî u Dillşad ke le pêşda wellamî azad bûnî ewanman dabû be şanazêkî zor şewî 3,12,1324 warîdî,malle xoyan bûn u çawî azadîxuwayekan u kesûkaryan pê rûn bû. Bira Qasimî Qadirî le ber zr'fî mîzac çend rojêk le bîmarstanî şûrewî le Tewrêz demênêtewe,em rojane be humêdî xuda degerrêtewe. le xuda dexwazîn bira u kes u karî em xoşewîstane be yektir şad u dillxoş bin."
Wa diyare nexoşî Qasimî Qadirî Qazî her berdewam buwe. Rojnamey Azerbaycan organî Fîrqey Dêmokiratî Azerbaycan le jimarey 355 xoy da (Cum'e 1-î Sermawezî 1325) sipasnameyekî wî rùwew nexoşxaney şûrewî bem şêweye billawkirduwetewe:
Sipas
Emin Qasimî Qadirî Qazî zor sext tûşî nexoşî ciger hatibûm u çûbûme lay zor dukturan u tewaw le çakbûnewe naumêd bibûm. Lew duwayiyaneda rûm le nexoşxaney şûrewî kird u le akamî tedawî karamey axay Dr Semedof êsta çak bûmetewe. Boye zor sipasyan lê dekem u pêzanî xom radegeyênim.
numre. 377
Têbînî: em wêneye be sipasewe le kitêbî " Sêberî Azadî" nûsînî berêz Kemal 'Ebdullahî wergîrawe ke le sallî 2008 le layen ' Binkey Jîn' le Silêmanî billaw kirawetewe. Be pêy nûsînî nûserî kitêbeke ew kesey le pişt texteke rawestewe, Mihemedî Tokmeçî ye. Mîrza Mihemedî Tokmeçî le serdemî Komar da le efseranî hêzî pêşmergey kurdistan buwe. Diyare rùn nabétewe ke em wéneye le kéhe carî çùnî Qasimî Qadirî Qazî bo nexoşxaney şûrewî kéşrawe
No comments:
Post a Comment